From the birth of Jesus to his death

6వ భాగం: యేసు జననం నుండి ఆయన మరణం వరకు

గబ్రియేలు దూత మరియ అనే ఒక ఉత్తమురాలైన యువతి దగ్గరకు పంపించబడ్డాడు. ఆమెకు ఒక శిశువు జన్మిస్తాడని, ఆయన రాజై నిత్యం పరిపాలిస్తాడని ఆ దూత ఆమెతో చెప్పాడు. శిశువైన యేసు పశువుల కొట్టంలో జన్మించాడు, గొర్రెల కాపరులు అక్కడకు వెళ్లి ఆయనను దర్శించారు. ఆ తర్వాత, ఒక నక్షత్రం తూర్పునుండి వచ్చిన పురుషులను ఆ పసిబిడ్డ దగ్గరకు నడిపించింది. వాళ్లకు ఆ నక్షత్రం కనిపించేలా ఎవరు చేశారు, యేసును చంపాలని చేసిన ప్రయత్నాలనుండి ఆయన ఎలా రక్షించబడ్డాడు అనే విషయాలను మనం తెలుసుకుంటాం.

తర్వాత, 12 సంవత్సరాల వయస్సులో యేసు దేవాలయంలోని బోధకులతో మాట్లాడడం గురించి మనం చూస్తాం. పద్దెనిమిది సంవత్సరాల తర్వాత యేసు బాప్తిస్మం తీసుకొని, దేవుడు తనను ఏ పని చేయడానికి భూమ్మీదకు పంపించాడో ఆ పనిని అంటే రాజ్యము గురించి ప్రకటించి బోధించే పనిని ప్రారంభించాడు. ఆ పనిలో తనకు సహాయం చేయడానికి యేసు 12 మంది పురుషులను ఎంపిక చేసుకొని వాళ్ళను తన అపొస్తలులుగా చేసుకున్నాడు.

యేసు అనేక అద్భుతాలను కూడా చేశాడు. ఆయన కేవలం కొన్ని చిన్న చేపలతో మరియు కొన్ని రొట్టెలతో వేలాదిమందికి భోజనం పెట్టాడు. ఆయన రోగులను స్వస్థపరచాడు, చనిపోయినవారిని బ్రతికించాడు. చివరకు, యేసు జీవితంలోని చివరి రోజున ఆయనకు జరిగిన అనేక సంగతుల గురించి, ఆయన చంపబడడాన్ని గురించి మనం తెలుసుకుంటాం. యేసు దాదాపు మూడున్నర సంవత్సరాలు ప్రకటించాడు, కాబట్టి 6వ భాగం 34 సంవత్సరాల కంటే కొంచెం ఎక్కువ కాలవ్యవధిలో జరిగిన వాటిని వివరిస్తుంది.

ఈ భాగంలో

84వ కథ: ఒక దూత మరియను దర్శించడం

85వ కథ: యేసు పశువుల కొట్టంలో జన్మించడం

86వ కథ: నక్షత్రం ద్వారా నడిపించబడిన మనుష్యులు

87వ కథ: దేవాలయంలో బాల యేసు

88వ కథ: యోహాను యేసుకు బాప్తిస్మమివ్వడం

89వ కథ: యేసు దేవాలయాన్ని శుభ్రపరచడం

90వ కథ: బావి దగ్గర స్త్రీతో మాట్లాడడం

91వ కథ: యేసు కొండమీద బోధించడం

92వ కథ: యేసు మృతులను లేపడం

93వ కథ: యేసు అనేకమందికి ఆహారం పెట్టడం

94వ కథ: ఆయన చిన్న పిల్లలను ప్రేమించడం

95వ కథ: యేసు బోధించే విధానం

96వ కథ: యేసు రోగులను స్వస్థపరచడం

97వ కథ: యేసు రాజుగా రావడం

98వ కథ: ఒలీవ కొండమీద

99వ కథ: మేడ గదిలో

100వ కథ: తోటలో యేసు

101వ కథ: యేసు చంపబడడం